Lajme shokuese vijnë nga Korea e Veriut: Ekzekutohen pasi hanë fëmijët nga uria

Zia e bukës ka pllakosur Korenë e Veriut dhe lajmet që vijnë nga vendi komunistë janë shokuese. Ditën e djeshme “Sunday Times” raporton për rastet e tmerrshme të kanibalizmit, duke theksuar se Korea e Veriut është goditur këtë vit edhe nga thatësira. Po ashtu zyrtarët u kanë konfiskuar atyre ushqimet, duke i shtyrë drejt akteve ekstreme.

Mësohet se një burrë i cili po vdistë nga uria është ekzekutuar pasi kishte vrarë dy fëmijët e tij për t’i ngrënë. Në një rast tjetër një person ka zier fëmijën e tij për ushqim. Mendohet se të paktën 10 mijë njerëz kanë vdekur nga uria. Koreja e Veriut është goditur nga një kriza e tmerrshme e urisë në vitet ’90, që ka sjellë vdekjen e mes 240 mijë dhe 3.5 milion njerëzve. Ndërsa nga ana tjetër Kim Jong Un, 30 vjeç, ka shpenzuar shuma të mëdha për të hedhur dy raketa muajt e fundit dhe kjo ka shtuar varfërinë në vend./alb-observer.com/