Suksesi dhe skandalet e tre bukurosheve shqiptare në Amerikë

Vajzat shqiptare janë vërtetë të bukura dhe imazhet e tyre shfaqen sot në shumë kompani prestigjose ndërkombëtare. Por treshja e famshme që jeton në Amerikë, Angela Martini, Afërdita Dreshaj dhe Tike Ivezaj po korrin sukses duke punuar si modele dhe imazhe për disa linja veshje. Ajo që ka përbërë lajm këto ditë është skandali i vajzave në një hotel në Miami.

Bukuroshet shqiptare kanë bllokuar për disa minuta ashensorin e hotelit, pasi ishin duke u zbukuruar para pasqyrës. Kjo ka sjellë probleme për klientët e tjerë të hotelit, nga ana tjetër Martini, Dreshaj dhe Ivezaj nuk e kanë vrarë shumë mendjen për kritikat e menaxherit, por e kanë marrë gjithçka me të qeshur. Fundja vajzat tona nuk kanë faj për këtë, pronari i hotelit nuk duhet të kishte vendosur pasqyra, para të cilave bukuroshet tona nuk mund të rezistojnë./alb-observer.com/