Shurupi vrastar, 36 të vdekur brenda një nate

Një alarm i fuqishëm vjen nga BBC, nëpërmjet fjalëve të babait të njërit prej viktimave të atij që u quajt shurupi vrasës.

“Ra të flinte, por kur mëngjesin tjetër nuk u zgjua më, telefonuam ndihmën e shpejtë dhe ambulancën, të cilët na thanë se kishte vdekur. Na thanë se shumë persona të tjerë gjatë asaj nate kishin vdekur pasi kishin pirë shurupin kundër kollës”, shprehet babai i njërit prej viktimave.

Në të njëjtat orë 64 persona të tjerë u dërguan në spitalin e Gujranwala të Pakistanit, pasi kishin pirë të njëjtin shurup, por 36 prej të shtruarve gjetën vdekjen pak më vonë.

“Consuel”, ky është emri i produktit që përdoret si mjekim, në një kohë që është një mjekim që ka një efekt të lehtë si lëndë narkotike.

Numri i madh i viktimave bëri që të nisin arrestimet ndaj drejtuesve të ndërmarrjes që kishin tregtuar këtë produkt. Në hetim është përfshirë një substancë e importuar nga India, me elementë helmues, çka mendohet të ketë helmuar përmbajtjen e shurupit.