Dhurata e Steenkamp për Pistorius

Një album me katër fotografitë më të bukura të ciftit. Kjo ishte dhurata që Reeva Steenkamp kishte përgatitur për të dashurin e saj, Oscar Pistorius.

Por dhurata nuk mbërriti në destinacion sepse modelja 30-vjeçare u ekzekutua me 3 plumba pistolete në orët e para të 14 shkurtit, pikërisht nga personi që ajo donte të befasonte me dhuratën e saj.

Dhurata ishte porositur në një dyqan së bashku me shënimin përkatës të dashurisë. Albumi përmbante 4 fotot më të bukura të ciftit dhe dyqani ishte porositur nga modelja që ta dorëzonte në destinacion ditën e Shën Valentinit.

Pistorius akuzohet për vrasje me dashje nga hetuesit, ndërsa ai vetë mohon akuzën duke deklaruar se kishte ngatërruar të dashurën me grabitës.