Tragjedi në Itali: Nga dashuria vret gruan e moshuar dhe më pas veten

Një i moshuar italian ka vrarë bashkëshorten e tij të sëmurë dhe më pas veten. Ngjarja e rëndë ka ndodhur në San Mauro Torinese të Italisë, ku dy viktimat janë Antonio Croveris dhe Giuseppina Saverino. Nga burimet e policisë mësohet se viktimat i ka gjetur mengjesin e sotëm kujdestarja e tyre, e cila ka njoftuar forcat e policisë.

Mësohet se 86 vjeçari i kishte prerë damrët gruas që ajo të mos vuante më, pasi kishte vite që lëngonte në shtrat. Kjo vrasje e dyfisht mendohet se ka ardhur për shkak se burri nuk donte që bashkëshortja e tij të vuante dhe se një ditë ai do të vdiste dhe nuk kishte me kë ta linte.

Këto dyshime kanë ardhur, pasi vetë Antonio Croveris i ishte shprehur shumë herë kujdestares, që I pastronte dhe kujdesej pë rata./alb-observer.com/