Mësuesi më i shkurtër në botë (Foto)

Një 22-vjeçar i “ngujuar” në trupin e një fëmije mendohet të jetë mësuesi më i shkurtër në botë, pasi ai është i gjatë vetëm 91 centimetra. Azad Singh, që ka një çrregullim të rrallë hormonal, peshon 17 kilogramë dhe vesh rrobat e një shtatë vjeçari.

Nxënëset në shkollën për femra në Haryana të Indisë janë shumë më të gjata se ai dhe e thërrasin atë “Chotu”, që në shqip do të thotë “zotëria i vogël”.

Azad, i cili fiton 10 mijë rupees në muaj (120 funte) si mësues i informatikës ka thënë se nuk mërzitet për çrregullimin e tij, pasi ka arritur atë që ka dëshiruar.

“Nuk më vjen keq. Kam arritur atë që gjithmonë kam dëshiruar. Njerëzit më trajtojnë më ndryshe tani kur unë kam një punë. Më trajtojnë me ”, ka thënë ai.

Azad ndaloi së rrituri në moshën 5 vjeçare, por prindërit e tij nuk kishin para për t`i blerë injeksionet e hormoneve për zgjatje.

Ai shumë herë kishte pasur frikë të dalë nga shtëpia, pasi shokët dhe shoqet e kishin ngacmuar, duke i thënë se ai do të poshtërohej nga cirku.

Kurse në moshën 18 vjeçare ai ishte poshtëruar shumë kur zyrtarët në një tren e ngatërruan atë për një bebe.

“Ngacmimet më kanë vështirësuar punën që t`i arrijë qëllimet e mija”, ka thënë Azad.

Azad ka motrën me emrin Laxmi, që ka të njëjtin çrregullim, si dhe motrën tjetër, Suman, që ka një gjatësi normale.

Suman, që çdo ditë e dërgon Azadin në shkollë me skuterin e saj, ndjehet krenare për vëllanë.

“Ai më ka bërë mua shumë krenare”, ka thënë ajo.

Kurse nëna e tij, Parvati, 52 vjeçe, ka thënë “Ai më në fund gjeti lumturinë”.

/Shekulli Online/Përgatiti: B.M./

megjithate mesues