Përshkrimi makabër i përdhunimit të fëmijës nga monstra: Jep dorëheqjen gazetarja, mbrohet Anila Bas

Dënimi publik që iu bë gazetës Shqiptarja.com, pas botimit të skenave të përdhunuesit me fëmijën e mitur ka bërë që gazetarja që mendohet ta ketë bërë shkrimin të japë dorëheqjen, Megjithatë Anila Basha, drejtorja e Shqiptarja.com, duke folur rreth dorëheqjes së gazetares Elezi tha se emri i kësaj gazetareje nuk është vendosur në shkrim dhe nuk ka asnjë dëshmi në gazetë që lidh emrin e saj me atë publikim. Për rrjedhim kjo dorëheqje nuk ka lidhje me shkrimin. Gjithashtu ajo nuk sheh asgjë të pazakontë në këtë shkrim dhe e merr përsipër vetë përgjegjësinë për botimin: “Është një maskarallëk i paparë: etika profesionale nuk ruhet me fshehjen e rastit dhe dokumenteve. Ajo që u pasqyrua në gazetë nuk është e lehtë për tu kapërdirë, por sensibilizimi i shoqërisë me qëllim parandalimin e këtij fenomeni. E vërteta gjithmonë kërkohet, dhe kur ajo del në pah, individi që e ka bërë, goditet. Madje në rastin konkret po dënohet media më shumë se individi. Ne nuk kemi shpifur. Ne kemi nxjerre një material për të treguar të keqen që na kanoset në pragun e çdo shtëpie”.
Pas shkrimit shumë njerëz kanë kërkuar edhe mbylljen e gazetës./alb-observer.com/