Maqedonia e Madhe, brenda hartës edhe Shqipëria, edhe Kosova

SHKUP- Mediat maqedonase kanë shpërndarë mbrëmë në rrjetet sociale hartën e Maqedonisë së Madhe, që përfshin territore të Shqipërisë, Kosovës, Bullgarisë dhe Greqisë.

Harta është shpërndarë në profilin në Facebook nga një media, e afërt me partinë maqedonase në pushtet, VMRO-DPMNE, raporton “Zhurnal”.

Sipas kësaj harte, Maqedonia e Madhe shtrihet në Kaçanik të Kosovës, Luginë të Preshevës, Pogradec të Shqipërisë dhe mbulon një pjesë të konsiderueshme të Greqisë me shumë ishuj të saj dhe pjesën perëndimore të Bullgarisë, që njihet si Maqedonia e Pirinit. Në profilin në Facebook, media që publikoi hartën shkruan: "Jepni sa më shumë pëlqime që le ta shohë bota mbarë".

/Shekulli Online/Përgatiti: E.Sh/