Arrestohet bashkëshorti “i pashpirtë”: Kërkoj falje isha i dehur

Më në fund policia ka vënë në pranga “bashkëshortin e pashpirtë”. Shetetasi në fjala rrahu barabarisht gruan e tij duke e bërë atë që të shtrohej në Spitalin Ushtarak si rezultat i plagëve të marra.
Policia e Kurbinit bëri të ditur se prangosi Martin Çupin, në fshatin Skuraj të këtij rrethi, pasi ai ishte shpallur në kërkim. 34-vjeçari, baba i dy fëmijëve të mitur, banues në Lagjen Nr. 5 në Laç, akuzohet për dhunë në familje, pasi më 13 mars 2013 rrahu barbarisht bashkëshorten e tij, Etmonda Çupi, 32 vjeçe, duke i shkaktuar hematoma dhe plagë të rënda në trup. Bashkëshortja e tij ndodhet në gjendje të rëndë shëndetësore në Spitalin Ushtarak në Tiranë.
Pas arrestimit, Çupi është shprehur i penduar për dhunën e ushtruar ndaj bashkëshortes së tij, duke pohuar se kishte qenë i dehur dhe se nuk mbante mend se çfarë kishte ndodhur.

Sipas deklaratës së dhënë në Polici, ai kishte konsumuar alkool pas akuzave që i kishte bërë xhaxhai i së shoqes për vjedhjen e një dhie.
Në shkurt të vitit të kaluar ai është dënuar për të njëjtën akuzë nga Gjykata e Kurbinit me 100 mijë lekë.
Nga ana e bashkëshortes pra e Edmonës ka ardhur një deklaratë se ajo nuk do ta falte në asnjë mënyrë më të shoqin. Konkretish ajo u shpreh për mediat: “Isha në shtëpi me dy djemtë dhe vjehrrën. Martini erdhi në shtëpi rreth orës 18:00.
Ishte i pirë dhe nisi të më qëllonte në sy të fëmijëve dhe nënës së tij.
Më dhunoi gjatë të gjithë natës. Nuk është hera e parë që më rreh. E gjitha kjo ka ndodhur për shkak të pijes dhe stresit që ka nga papunësia.
Më ka shkulur flokët dhe gjatë gjithë natës më qëllonte me shkelma dhe grushte”./alb-observer.com/

Bobo mjere femrat qe lindin ne Shqiperi!!!

Zakoni do shume kohe qe te zhduket, keshtu kane pare prinderit e tyre dhe keshtu veprojne..