Drama e emigrantit që u vetëdogj: “Kishte probleme që kur u dhunua nga policia greke”

33 vjeçari nga Laci, Gegë Stojani, është kthyer në vendlindjen e tij në Stojan, për ti vënë flakën vetes në qendër të fshatit
Bashkëfshatarët e tij tregojnë se nuk kishin besuar se ai do të digjej edhe pse ishin përpjekur që ta ndihmonin. “Ishte në mes të një sheshi , në krye të fshatit. Nuk tregova vëmenjen e duhur , vetëm kur e pashë të përfshirë nga flakët. Tentova t’ia shuaja zjarrin në trup ,por ishte e pamundur. Pranë trupit të tij ishin dy shishe plastike që kishin pasur brenda benzinë”, rrëfen një bashkëfshatar i tij.
Më tej atat ngrenë edhe hamendësimet që e detyruan 33 vjecarin të digjej. Dikush tregon se ai nuk ishte në rregull që kur është keqtrajtuar nga polica greke disa vite më parë. “Nuk ka qenë mirë me shëndet që kur është rrahur dhe vjedhur. Persona të panjohur e kanë sulmuar në kufi dhe i kanë rrëmbyer të gjitha të hollat që i kishte me vete”, tregojnë tregojnë të tjerë duke iu referuar një ngjarje të ndodhur 6 vite me parë në kufirin tonë me Greqinë.
Stojani ka mbërritur në vendlindjen e tij një natë para ngjarjes, dhe disa dëshmojnë se ka fjetur jashtë në tokën e tij, pasi kishte një konflikt të kahershëm me kushërinjtë e tij për çështje pronësie. Ai ishte i pamartuar dhe së fundmi dhe i papunë./alb-observer.com/