Elhaida Dani, shqiptarja që po “çmend” italianët…

Italianë duket sikur janë dashuruar me Elhaida Dani, shqiptaren që vazhdon të shkëlqejë në the Voice of Italy. Edhe këtë herë publiku e zgjodhi sërish për në fazën tjetër gjysmë finale këngëtaren tonë. Elhaida këndoi një këngë të Lara Fabianit, kant-autores së famshme belgo-kanadeze që këndon në të gjitha gjuhët e notës; është fjala për këngën teknikisht shumë të vështirë me titull ‘Adagio’, të cilën ajo e këndoi në stilin e vet, dhe korri një sukses absolut fillimisht në studion gjigande të RAI-it.

Të parët që duartrokitën dhe e vlerësuan Elhaida Dani ishin katër trainerët, Piero Pelu, Noemi, Raffaela Carrá dhe Riccardo Cocciante, të cilët – dhe kjo një gjë që nuk praktikohet në këtë fazë të garës – e komentuan njëri pas tjetrit. Të enjeten tjetër do të zhvilohet gjysmëfinalet, dhe Elhaida është një nga favoritet për ta fituar këtë garë muzikore./alb-observer.com/