Dëmtohet lapidari i UÇK-së në brod

Persona të panjohur kanë dëmtuar lapidarin e UÇK-së që gjendet përskaj rrugës Doganaj - Shtërpcë në afërsi të fshatit Brod të kësaj komune.

Sipas policisë ngjarja ka ndodhur natën ndërmjet të shtunës dhe së dielës, ndërsa hetimet e para kanë treguar se bëhet fjalë për dëme materiale."Janë thyer tre poqa elektrikë-abazhur dhe janë larguar dy flamujt e Shqipërisë të cilët kanë qenë të vendosur në mbajtëse druri, me ç’rast njeri është dëmtuar tërësisht", ka thënë zëdhënësi rajonal i policisë togeri Agim Gashi, transmeton Express.

Bëhet e ditur se veç këtyre dëmeve aty është vjedhur edhe një maket e topit ,masa e të cilit ka qenë e metalit.

Mësohet se me rastin po merret njësiti i hetimeve të stacionit policor të Shtërpcës dhe për momentin nuk ka të dyshuar.