Mediat e Kosovës: Ballkani me polici rajonale?

Ballkani së shpejti do të bëhet me BALPOL, policia ballkanike, që do të merret me luftën kundër kriminalitetit, korrupsionit dhe imigrimeve ilegale.
Kjo ide sipas mediave te Kosovës ka ardhur nga shefi i diplomacisë malazeze Igor Lukshiq, i cili ka njoftuar për ketë propozim edhe komisionarin evropian për Zgjerim, Stefan Fuele. Ky i fundit, mësohet se është pajtuar me ketë ide.
Lajmin e transmetojnë sot mediat e Kosovës, duke iu referuar një lajmi të dhënë nga REL.
Koncepti i ri bashkëpunimit policor rajonal do të përfshinte Shqipërinë, Kosovën, Malin e Zi, Maqedoninë, Serbinë dhe Bosnjë e Hercegovinën.