Kapet një vrasës nga Shqipëria në Tetovë

Policia e Maqedonisë ka arrestuar në Tetovë një person nga Shqipëria që ka punuar nëpër vendbanimet shqiptare si punëtor sezonal që dyshohet se ka kryer vrasjen e dyfishtë në fshatin Serbicë të Kërçovës, ku u vranë çifti i moshuar që kishte ardhur për pushime nga SHBA-të në vendlindjen e tyre në fshat.

Vrasja makabre ndodhi në shtatorin e vitit të kaluar, mirëpo Ministria e Brendshme theksoi se pas hetimeve intensive është arrestuar një nga personat kyç që do të rezultoj si vrasësi i dyfishtë i Isa dhe Selime Imerit, bashkëshortëve 69 vjeçar, që u gjetën të vdekur në shtëpinë e tyre. Ata u gjetën pas disa ditëve nga fqinjët të vdekur në shtëpinë e tyre, ndërsa ishin të lidhur me këmbë e duar. /Shqipmedia