Mbytet pasi u nis me not drejt Korfuzit për shkak të varfërisë

Mbytet pasi u nis me not drejt Korfuzit për shkak të varfërisë: “M’i puth fëmijët dhe u thuaj se babi i do shumë”
Gjendja e vështirë ekonomike dhe pamundësia për të shkuar në Greqi me pashaportë biometrike si shumë shqiptarë të tjerë, e kanë detyruar 41- vjeçarin Viktor Çuni të nisej me not drejt Korfuzit. Ai e ka ndërrmarrë aventurën me datën 31 maj nga Ksamili por rrymat detare kanë qenë të forta, ç’ka ka sjellë edhe mbytjen e tij ndërsa trupi i pajetë doli në plazhin e Durrësit.
“Do shkoj me not në Korfuz o gjallë, o vdekur, unë pa punë nuk mundem të rri në Shqipëri. Jam në Ksamil, dokumentet i kam me vete. M’i puth fëmijët dhe u thuaj se babi i do shumë. Do të kaloj me not deri në Korfuz dhe do t’u dërgoj para sa më shpejt të jetë e mundur”, kanë qenë fjalët e tij të fundit të tij përpara se të nisej.

41- vjeçari ishte i vetmi person që sillte të ardhura në familje për dy fëmijët, bashkëshorten dhe dy prindërit por së fundmi kishte ngelur pa punë./alb-observer.com/