Pandeli Majko: “Ndjejë detyrimin t’ju falënderoj publikisht”

Pandeli Majko, një nga figurat më të shquara dhe të respektuara të politikës shqiptare, pas fitores së tronditëse ndaj të djathtës, falënderon mbështetësit e tij.

Këshut, Majko i ndjerë i mallëngjyer nga pjesëmarrja e madhe dhe votat e futuara nga simpatizantët e PS-së dhe atyre të “padukshmit” siç i quan ai:

“Një falënderim njerëzor tani që u mbyll edhe kutia e fundit në Njësinë Bashkiake nr 5. Me një ekip të mrekullueshëm njerëzish dhe militantësh që bënë të mundur diferencën që trokiti tek shifra e 10 000 votave diference nga kundërshtaret tanë. Kjo ishte një fushate e njerëzve me shprese dhe ëndrra për të nesërmen. Dua që kjo ditë të zgjatet sa më shumë dhe të kem kohë tu them të gjithëve faleminderit. Nga Selita, "Komuna e Parisit", "Irfan Tomini" "Kodra e Diellit" "Vasil Shanto" etj... ju faleminderit në çdo detaj. Pa ju asgjë nuk do të ndodhte. Leta, Afrimi, Blerina, Fredi... dhe gjithë shtabit elektoral te "5"-ës...Faleminderit të gjithë kryetarëve të organizatave të PS-së. Faleminderit ty socialist dhe socialiste e "padukshme" që punove pa u lodhur për këtë fitore. FALEMINDERIT MIQ!. Djemve dhe vajzave të Fressh-it ju detyrohem një falënderim të veçante. U bëmë pjese e jetës së njeri-tjetrit duke krijuar një ngjarje kaq të veçantë sa FITORJA e 23 qershorit. Fituam "bastin" tonë me historinë. Të heshtim pak dhe të presim që historia të ndodhe edhe falë jush miq të njësisë "5"... Ne e bëmë pjesën tonë. Ju të gjithë më shumë se unë. Ju jam mirënjohës.”/alb-observer.com/