NATO-s nuk i kërkuan që ta bëjë transformojë FSK-në

Shqiptarët si duket mbetën pa ushtri jo nga ndonjë presion i jashtëm sa nga neglizhenca e brendshme. Ka kaluar më shumë se një vit, që kur është dashur Kosova të ishte e gatshme që FSK-në ta transformonte në ushtri. Zyrtarët shtetëror nuk duan të japin përgjigje se pse ndodhi kjo vonesë, sikur që ata as nuk duan të japin përgjegjësi para zgjedhësve dhe Kushtetutës se pse u vonua krijimi i ushtrisë kombëtare. Heshtjen e zyrtarëve të Kosovës, përkatësisht të Qeverisë së Kosovës, për ta transformuar FSK-në në ushtri e ka argumentuar Sekretari i Përgjithshëm i NATO-s Anders Fog Rasmusen.
Megjithëse me pakon e Ahtisarit ishte Parashikuar që ndryshimi i statusit të Forcës së Sigurisë së Kosovës të bëhej pesë vite pas hyrjes në fuqi të kësaj pakoje, qeveria e Kosovës ende nuk ka bërë ndonjë kërkesë zyrtare drejtuar NATO-s për ta shndërruar FSK-në në ushtri.
Muaj më parë ministri i forcës së sigurisë, Agim Çeku kishte deklaruar se më 1 janar të vitit 2013 FSK-ja do të shndërrohej në ushtri, mirëpo nuk ndodhi një gjë e tillë.