Konflikt për pronën, 22-vjeçari dhunon xhaxhanë dhe hallën

Një rast tjetër i dhunës në familje është shënuar ditën e sotme në Tiranë. Policia ka arrestuar një 22-vjeçar, i cili ka dhunuar familjarët e tij. Mësohet se policia e Tiranës ka bërë të mundur arrestimin në flagrancë të shtetasit Helian Shtepani 22 vjec, lindur dhe banues në Tiranë.

Arrestimi i tij u krye sepse në rrugën “Beqir Luga” për motive të çastit, ka dhunuar duke i goditur me mjete prerëse familjaret e tij (xhaxhanë dhe hallën ), të cilët jetojnë në një apartament.

Mësohet se shkak i sherrit ka qenë pronësia e banesës ku ata jetojnë. Familjarët bëjnë me dije se i ri i ka dhunuar sistematikisht, pasi ai pretendon pronësinë e banesës ku ata jetojnë.

/Shekulli Online/ E.L/