Tiranë, digjet një makinë para kryeministrisë. Shoferi: Ishte aksidentale

TIRANË-Një automjet ka ndezur flakë para godinës së kryeministrisë, ndërsa ka shpëtuar mrekullisht drejtuesi i mjetit.

Rreth ores 11:07 minuta News24 në vendngjarje ka transmetuar Live momentet kur automjeti tip golf tresh i parkuar në cep të godinës së qeverisë është ndezur në flakë dhe është djegur brenda pak minutash. Kanë qenë forcat e zjarrfikëseve që kanë mbërritur në kohë dhe kanë lokalizuar flakët e zjarrit.

Drejtuesi i mjetit, zoti Genci Çuçi rrëfen për mikrofonin e News24 momentet kur makina u ndez në flakë. Sipas tij ngjarja ndodhi krejt rastësisht.

“Isha duke ecur me makinë kur pashë që po nxirre tym tek motorri dhe u detyrova të parkoj dhe ta fik makinën. Por flakët u ndezën aq shpejt sa nuk arrita të marr as lap topin që kisha brenda sepse u nxeh aq shumë sa u detyrova të largohem”, u shpreh Gens Çuçi për News24.

Mësohet se automjeti tip Golf është një prodhim i vitit 1995 dhe punon me naftë.

Çuçi shpjegon se gjithçka mund të ketë ndodhur dhe për shkak së vapës së madhe dhe se ngjarja mund të cilësohet aksidentale.
“Besoj se ka pasur një nxehje tek izolacioni i telave dhe për shkak të motit të nxehtë do jenë shkrirë e marrë flakë. Kaq s'ka me teper, thjesht aksident”.

Për shkak se zjarri u ndihmua dhe nga temperaturat e larta makina u dogj tërësisht sic mund ta shihni dhe nga fotot ne BalkanWeb, por fatmirësisht nuk pati dëmtime në njerëz.
BalkanWeb