Lindjet në Maqedoni ulen për 5.5 për qind

Shtimi natyror ka qenë pozitiv në tremujorin e dytë të këtij viti në Maqedoni. Sipas të dhënave të Entit Shtetëror të Statistikave (ESHS), nga muaji prill e deri në qershor, numri i të lindurve është 852 persona më i lartë sesa numri i të vdekurve. Enti ka njoftuar se në këtë periudhë kanë lindur gjithsej 5 470 foshnja, numër ky që, megjithëkëtë është për 5.5 për qind më i vogël se në periudhën e njëjtë të vitit të kaluar.

Vdekshmëria, ndërkaq, shënon rënie prej 5.4 për qind, ose 4 618 persona dhe 59 foshnja të vdekura.

Rënie ka edhe tek numri i kurorëzimeve – janë lidhur 3 335 kurorëzime, ose 4.4 për qind më pak krahasuar me vitin e kaluar.

Divorcet, nga ana tjetër, shënojnë rritje dhe numri i tyre është 684 në tremujorin e dytë të këtij viti.