Njihuni me luftëtaren e peshkaqenëve

Për shumë njerëz notimi krah peshkaqenëve pa masa mbrojtëse është një gjë e ankthshme. Por për Lesley Rochat – që njihet si luftëtare e peshkaqenëve – kjo nuk është problem. Ajo po përpiqet të bindë njerëzit se këto krijesë nuk janë monstra që hanë njerëz.Këto foto të pabesueshme tregojnë Rochat duke notuar në Afrikën e Jugut afër peshkaqenit tigër që konsiderohet një prej specieve më vdekjeprurëse në botë.E veshur vetëm me bikini, Rochat tha se donte ta bënte veten sa më të cenueshme nga peshkaqenët. Ajo shpreson se duke notuar me këto krijese mund të tregojë se nuk janë aq të rrezikshme sa njerëzit mendojnë.

“I bëra këto foto për t’u treguar njerëzve se pavarësisht se isha shumë vurnerabël, ata nuk më sulmuan”, shprehet Rochat.

Peshkaqenët tigër janë të dytët në listën e sulmeve ndaj njerëzve, pas peshkaqenëve të bardhë. Gjithsesi shumica e sulmeve nuk janë fatale.

/Shekulli Online/Përgatiti: F.S./