Jeta në Tokë erdhi nga Marsi

Nuk janë vetëm meshkujt që kanë ardhur nga Marsi, pretendon një studim i ri i cili del në përfundimin se, jeta në Tokë nisi në planetin e kuq.Një element që besohet se është kyç në origjinën e jetës ka qenë i pranishëm vetëm në sipërfaqen e Marsit, thuhet në studim.Gjeologu, Steven Benner argumenton se ‘farat’ e jetës me shumë mundësi kanë ardhur në Tokë nga meteorët e përplasur me Marsin ose që kanë ardhur prej andej nga shpërthimi vullkanik.

Si të dhënë të kësaj teze ai jep oksidin mineral si formë e elementit të molibdeniumit, që mendohet se ka qenë katalizatori që ka ndihmuar molekular organike të ndërtojnë strukturën e parë të jetës.

“Në këtë drejtim, studime të tjera tregojnë se këto kushte, janë të përshtatshme për origjinën e jetës, të cilat mund të ekzistojnë ende në Mars”, shprehet Benner. “Kjo ndodh kur molibdeniumi është oksigjenuar së tepërmi, gjë e cila ka ndikuar në formimin e jetës. Kjo formë e molibdeniumit nuk gjendej në Tokë në kohën kur nisi jeta, sepse tre miliardë vite më parë sipërfaqja e Tokës kishte shumë pak oksigjen, por në Mars kishte”, shton profesori.

/Shekulli Online/Përgatiti: F.S./