E gozhdojnë vetën në kryqe pasi e humbin vendin e punës

Humbja e vendit të punës ka nxitur njerëzit që të reagojnë në forma tejet emocionale që jo gjithmonë janë konsideruar të rregullta.

Mirëpo në shtetin latino-amerikan të Paraguajit, disa persona kanë bërë një reagim që ka nxitur edhe agjencinë e lajmeve Reuers të raportojë për ta.

Tetë shoferë të Paraguajit e kanë gozhduar vetën në kryqe si formë proteste pasi janë larguar nga puna nga një kompani transportuese.

Ata e kanë humbur vendin e punës pasi kërkesa e tyre për rroga më të mëdha ishte hedhur poshtë, ka njoftuar një nga ligjvënësit e këtij shteti.

Shoferët nga qyteza veriore e Luque, janë të shtrirë në shpinë, të gozhduar në kryqe prej druri, të vendosur në tokë.

Gozhda të mëdha i kanë çarë duart e tyre në fund të gishtave. 

/Shekulli Online/ E.L/