Nëna e varros foshnjën e sapolindur, policia e gjen të gjallë (VIDEO +18)

Një ngjarje e rëndë ka ndodhur në Rusi ku një foshnjë e sapolindur është varrosur e gjallë nga nëna e saj. Mësohet se një grua ka telefonuar policinë sapo ka parë komshien e saj, duke e varrosur foshnjën e sapolindur në oborrin e shtëpisë. Menjëherë policia ka mbërritur në vendngjarje dhe e ka gjetur pas 8 orësh foshnjën e gjallë.

Sipas dëshmisë së nënës së re, ajo kishte qenë në gjendje të dehur kur e kishte sjellë në jetë vajzën e saj. Nëna ka menduar se foshnja ka qenë e vdekur pasi kishte lindur para kohe, d.m.th në muajin shtatë.

Pasi policia ka marrë nënën e vogëlushes në pyetje, ajo i ka treguar vendin ku e kishte varrosur.

Menjëherë policët kanë nisur kërkimet, ku papritur dëgjuan të qarat e fëmijës. “Shpejt sillni ujë, është gjallë”, ka bërtitur një nga policët i tronditur.

Ata e nxorën me kujdes vogëlushen që atje dhe pasi e pastruan me ujë e mbështollën me disa rroba për të mos u ftohur. Vajza e vogël sot është mirë dhe gëzon shëndet të plotë. Ajo mban emrin Viktori (fitore). Kanë qenë policët ata që e kanë pagëzuar vogëlushen me këtë emër, pasi ajo mbijtoi e gjallë nga një peripeci kaq e madhe.

/Shekulli Online/ E.L/

zoti ka dashur te jeto ajo beba