Materniteti, ku 5-6 nëna shtrihen në të njëjtin shtrat

Materniteti ku nënat flenë 5 ose 6 në një shtrat. Kështu e ka nisur shkrimin “Dail Mail”, ku tregon për një maternitet që ndodhet në një lagje të varfër të kryeqytetit filipinas. Rreth 300 nëna paraqiten çdo ditë në këtë maternitet për të lindur dhe duke mos pasur shtretër, detyrohen që 5 ose 6 gra të shtrihen në të njëjtin shtrat.

Historia flet për Rosalyn , nënë e gjashtë fëmijëve dhe pret të lindë sërish. Ajo është shtruar në maternitetin e lagjes më të varfër Tondo në Manila, kryeqytet i Filipineve dhe është duke pritur që të sjellë në jetë fëmijën e saj. Por, ajo nuk mund të ketë intimitetit gjatë lindjes, pasi dhomat e maternitetit janë kolektive. Rosalyn do të jetë një nga 300 nënat e reja që paraqiten çdo ditë në maternitetin “Jose Dr Fabella Memorial” për të lindur.

Pasi Rosalyn të lindë ajo dhe foshnja e saj nuk do të kenë hapësirën e tyre, por në fund të këmbëve, ose prapa kurrizit të saj do të ndodhet një nënë dhe një bebe tjetër.

Rosalyn dhe burri i saj Eduardo Eke janë mjaft të varfër, ata marrin një pagë minimale në ditë dhe s’kanë mundësi që gruaja të shtrohet, në një maternitet me kushte më të mira.

Shefja e mamive Anna Prebus thotë se në 28 vite punë në këtë maternitet mund të ketë pritur rreth 200.000 foshnja në duart e saj. Gjithmonë mjekët dhe mamitë e këtij materniteti mundohen të kujdesen maksimalisht për nënat dhe foshnjat që vijnë në jetë.

/Shekulli Online/ E.L./