Ai ka edhe pak ditë jetë, martohen në spital

Dashuria e tyre e madhe bëri që ata të zhvillojnë ceremoninë martesore në spital, pasi dhëndri vuan nga një sëmundje e rëndë dhe shumë pak ditë jetë i kanë mbetur. Historia bën fjalë për një çift të rinjsh Cola Glenny 22 vjeç dhe burri i saj Felix Glenny 23 vjeç. Felix vuan nga kanceri në zorrë dhe mjekët nuk i kanë dhënë shpresë, kjo ishte edhe arsyeja që ata vendosën të ftonin miqtë e tyre në spital në ditën e kurorëzimit.


Cola tregon se, Felix u shtrua në spital më 11 nëntor dhe mjekët e diagnostikuan me një tumor të madh, i cili gjendej në zorrë. Fillimisht mjekët i dhanë shpresë të riut, por pas një analize më të hollësishme ata e kuptuan që kanceri ishte përhapur në të gjithë trupin e Felix. Mjekët thanë se atij i kanë mbetur edhe pak javë jetë.

Pasi morën vesh lajmin e trishtueshëm Felix dhe Cola vendosën të martohen sa më shpejt të jetë e mundur dhe ata ftuan të gjithë miqtë dhe familjet e tyre në ceremoninë e zhvilluar në spital ditën e djeshme. Në ceremoninë e martesës kanë qenë edhe dy fëmijët e tyre. Edhe pse atyre i ka mbetur shumë pak kohë për të jetuar bashkë, ata ndjehen të lumtur me njëri-tjetrin dhe shprehen se dita e martesës së tyre, ka qenë dita më e lumtur e jetës së tyre.

/Daly Mail/Shekulli Online/ E.L./

Sa e dhimshme   

Gjynah :'( ,ne lule te rinis e paska kap semundja,te pakten paska arrite ta kurorzojn dashurin e tyre me martese!