Grafite nacionaliste shqiptare në kishën serbe

Një kishë Ortodokse serbe në Mal të Zi raportohet se është dëmtuar dhe mbi të janë shkruar slogane nacionaliste shqiptare.

Lajmi është dhënë nga murgu ortodoks serb, Sava Janjiç i manastirit të Deçanit përmes profilit të tij në “Twitter”.

Murgu serb e ka postuar edhe një fotografi krahas mbishkrimit “Kisha ortodokse serbe në majën e malit Rumija në Malin e Zi, e mbuluar me grafite nacionaliste shqiptare. Shumë e trishtuar”.

Këtij postimi të bërë para dy ditësh i është bërë “retweet” 140 herë, por deri më tash nuk është raportuar për ndonjë reagim zyrtar të Kishës Serbe.

Sava Janjiç njihet si një nga përfaqësuesit më liberal të Kishës Ortodokse serbe në Kosovë. Ai rregullisht merr pjesë në aktivitetet fetare që organizohen nga shteti i Kosovës. /Zëri/