Pesëfish më shumë të dënuar shqiptarë sesa serbë

Pesëfish më shumë shqiptarë sesa serbë janë dënuar për krime të
kryera gjatë luftës së fundit në Kosovë, gjatë së cilës llogaritet të
jenë vrarë mbi 12 mijë shqiptarë e rreth 800 serbë.Që nga
instalimi i EULEX-it në vitin 2008, prokurorët e këtij misioni kanë
ngritur shtatë aktakuza, katër prej të cilave kundër shqiptarëve, ndërsa
tri kundër serbëve, shkruan Koha Ditore.
Gjyqtarët e këtij misioni kanë shpallur 13 aktgjykime për krime lufte, 11 kundër shqiptarëve e dy kundër serbëve.
Po kështu kishte vepruar edhe misioni i UNMIK-ut që ka vepruar në
Kosovë me kompetenca ekzekutive deri në shpalljen e pavarësisë, më 17
shkurt 2008.
Sipas statistikave të Fondit për të Drejtën Humanitare me seli në
Beograd, organizatë kjo që i përcjell të gjitha rastet e gjykimeve për
krime lufte, që nga viti 1999 deri në fillim të 2011-s në Kosovë janë
akuzuar, gjykuar apo liruar 49 persona – shqiptarë dhe serbë.

Kështu është kur nuk mban përgjegjësi qeveria...
Ku është mbrojtja e saj, përkrahja ndaj kombit të masakruar...
Qysh vetëm dy aktgjykime kundër serbëve kur ata vranë e prenë...
Apo kush i mba mënd...