Hollande konfirmon ndarjen nga "Zonja e Parë"

Presidenti francez Francois Hollande ka konfirmuar ndarjen nga partnerja e tij Valerie Trierweiler. Në një prononcim për AFP, Hollande ka konfirmuar se ”jeta e përbashkët” me Trierweiler, ka marrë fund. Më herët zyra e tij, në pallatin Elysee, ka deklaruar se pohimet për ndarjen e presidentit nga partnerja e tij ishin ”thashetheme të rreme”.

Ndarja e Hollande me Trierweiler vjen dy javë pas publikimit të lajmit se presidenti kishte dy vjet që kishte një aferë me aktoren Julie Gayet. Aktorja Gayet, e përfolur si e dashura sekrete e presidentit francez, pak ditë më parë paditi revistën “Closer”që publikoi fotot e saj me kreun e shtetit francez.Gayet ka kallëzuar revistën për shkelje të privatësisë. Ndërsa vetë Presidenti Hollande nuk ka preferuar që të kallëzojë revistën.

Fotot intime me aktoren franceze e kanë vënë në një pozicion mjaft të vështirë presidentin francez. Por më shumë nga të gjithë vuajti e shoqja e tij, e cila përfundoi edhe në spital nga kjo histori. Ndërsa sot u konfirmua edhe ndarja zyrtare, nga vetë presidenti Hollande.

/Shekulli Online/ E.B./

Kjo ja mori dikure ,dikujt tjetre burrin.
Sot ja moren kesaj.
Kot nuk thone qe ,bota vjen rrotull.

Tironci shkruajti:Kjo ja mori dikure ,dikujt tjetre burrin.
Sot ja moren kesaj.
Kot nuk thone qe ,bota vjen rrotull.

MIRE E THE

Durrsako
Na to maja rripa,rripa.