Ishulli i mbipopulluar rrezikon zhdukjen

Ishulli unazor i Kiribatit, i cili ndodhet në Oqeanin Paqësor, është një nga vendet që ka dendësinë më të madhe të popullsisë dhe po vuan pasojat e mbipopullimit.

Kiribati, është edhe vendi që rrezikohet më shumë të zhduket nga ndryshimet klimaterike. Jeta e njerëzve që jetojnë në këtë ishull varet nga oqeani, i cili i rrethon nga të katërta anët.

Oqeani është ai që i ushqen këtë popull, por edhe ai që e kërcënon më shumë mbijetesën e tyre. Pika më e lartë në ishull nuk i kalon 2 metra mbi nivelin e detit dhe ishulli rrezikohet seriozisht nga rritja e nivelin të oqeanit.

Mirëpo, problem tjetër për këtë ishull është edhe mbipopullimi. Ishulli ka 50 mijë banorë, por ata janë shumë duke marrë parasysh sipërfaqen e tij. Kjo bën që dendësia e popullsisë në Kiribati të jetë e njëjtë me qytetin e Tokios dhe Hong-Kongut.

/Shekulli Online/E.D./