Tërnava i uron Bruçajt zgjidhjen në krye të komunitetit mysliman

Mon 10 Mar 2014 - 19:37

- Myftiu i Kosovës, mr. Naim Tërnava ka uruar sot kryetarin e porsazgjedhur të Komunitetit Mysliman të Shqipërisë, z. Skënder Bruçaj.
Myftiu Tërnava në urimin e tij në emër të Bashkësisë Islame të Kosovës, institucioneve të saja, të besimtarëve myslimanë dhe në emrin e vet personal ka përgëzuar z. Skender Bruçaj me rastin e zgjedhjes në krye të Komunitetit Mysliman të Shqipërisë, ‘duke lutur Allahun Fuqiplotë t'iu jap shëndet, suksese e mbarësi në udhëheqjen dhe drejtimin Komunitet Mysliman Shqiptar’.
‘Z. Bruçaj, ka dashtë Zoti që ju të jeni në krye të besimtarëve mysliman , një detyrë kjo sa me privilegje aq me përgjegjësi, një detyrë që me sukses , urtësi e devotshmëri e ushtruan paraardhësit tuaj, hfz. Sabri Koçi e haxhi Selim Muçaj Zotëri Kryetar, në emrin e Kryesisë së BIK, sot e gjej të udhës që të shpreh mbështetjen time në misionin tuaj, si dhe shpreh gatishmërinë për të bashkëpunuar në të mirë të vendeve tona, institucioneve tona dhe besimtarëve tanë.
Edhe njëherë, urime, shëndet e mbarësi! Zoti na ndihmoftë!’ – përfundon urimi i Myftiut të Kosovës, Naim Tërnava.