Fëmija me dy koka

Një fëmijë me dy koka, dy qafa dhe dy shtylla kurrizore ka ardhur në jetë dje në Indi  

INDI-Një fëmijë me dy koka ka ardhur në jetë në Indi. Nëna e tij, 28-vjeçarja Urmila Sharma jetonte në varfëri të plotë dhe nuk kishte para për të bërë kontrolle gjatë shtatzënisë, që të shikonte se si ishte fëmija. Kjo ka bërë që kur lindi fëmija ajo së bashku me familjen e saj të çuditeshin nga një gjë e tillë, aq shumë sa nëna 28-vjeçare nuk po e besonte që ishte fëmija i saj.

Fëmija lindi dje në spitalin “Cygnus JK Hindu”, në rajonin Sonipat të Indisë dhe ka dy koka, dy qafa dhe dy shtylla kurrizore, por vetëm një trup.

Fëmija, të cilit nuk i është vënë ende emri, ndodhet në spital dhe po merr trajtim të veçantë mjekësor. Doktorët thonë se ka shumë pak gjasa që ai të jetojë. Sipas tyre, ata e zbuluan vetëm dy javë para lindjes që nëna 28-vjeçare do të lindte një fëmijë me dy koka, por atëherë ishte tepër vonë dhe ata nuk mund të bënin dot gjë. “Tani do të bëjmë të pamundurën që fëmija të mbijetojë”, -shprehen mjekët e spitalit “Cygnus JK Hindu”.

/Shekulli Online/ E.B./