Vritet edhe një shqiptar në burgjet greke

Fri 18 Apr 2014 - 14:38

Një i burgosur shqiptar është vrarë me thikë në një burg në Patra të Greqisë. Sipas njoftimeve të medieve greke krimi ka ndodhur në korridorin e burgut.
Bëhet fjalë për një përleshje mes të dënuarve shqiptarë, ku i vdekur ka mbetur një 24-vjeçar i dënuar me 12 vjet burg për grabitje. Ndërsa autori i krimit është një 32-vjeçar i dënuar me burgim të përjetshëm për trafik droge dhe armëmbajtje pa leje.
Autori i krimit ka përdorur një thikë të improvizuar për të goditur 24-vjeçarin, i cili ndërroi jetë në spital nga plagët e marra.I dënuari me burgim të përjetshëm ka goditur 6 herë me thikë 24-vjeçarin, ku njëra prej tyre e ka rezultuar fatale pasi i ka prekur zemrën. Nga hetimi paraprak thuhet se dy të dënuarit shqiptarë vazhdimisht kanë pasur konflikte mes tyre.