Një shok i jashtëzakonshëm

Hipopotami është njëra nga kafshët më të rrezikshme në të gjithë Afrikën.

Por, një fermer nga Afrika e Jugut e ka lidhur një miqësi të ngushtë me një kafshë të tillë. Hipopotami e ndihmon fermerin Marius Els për ta kaluar lumin, në mënyrë që të arrijë te ferma e tij.

Marius e ka marrë kafshën që kur ishte 5 muajsh dhe madje ia ka ndërtuar një pellg 18 metra të thellë dhe 200 metra të gjerë, ku hipopotami, i quajtur Hamfri, mund të lëvizë lirshëm.

Tashmë Hamfri është 6 vjeç dhe peshon “vetëm” 1 200 kg.

Marius shprehet: “Njerëzit mendojnë se mund të kesh marrëdhënie vetëm me qentë ose macet. Ata nuk e kuptojnë lidhjen time me Hamfrin. Nuk kuptojnë që mund të kesh marrëdhënie edhe me kafshën më të rrezikshme të Afrikës.”