Burg sepse nuk dërgoi fëmijët në shkollë

Irene Wiens, një qytetare gjermane është dënuar me 43 ditë heqje lirie për shkak se nuk lejoi fëmijët e saj të shkonin në orën e edukatës seksuale në shkollë.
Në shkollat gjermane edukata seksuale fillon që në klasën e katërt fillore dhe Irene, nënë e katër fëmijëve të moshës 10-16 vjeç, nuk ishte dakord me këtë gjë.

Kjo lëndë shoqërohet me video “të nxehta” në Gjermani.

“Përmbajtja e lëndës dhe videot me skena seksi që shfaqen në klasë nuk përputhen me atë që dua unë nga shkolla”, u shpreh Wiens.

Që nga viti 2006 janë regjistruar 35 çështje gjyqësore kundër prindërve të cilët nuk duan që fëmijët e tyre të jenë pjesë e këtyre orëve të mësimit dhe janë gjobitur me 200 deri në 1200 euro.

Gjykata argumenton se arsimi elementar është i detyrueshëm për të gjithë fëmijët pa përjashtim dhe prindërit janë të detyruar me ligj t’i dërgojnë ata në shkollë.