Petritsch: Deklarata e Tadic, ftesë për luftë

Diplomati austriak
Wolfgang Petritsch i ka cilësuar si “të rrezikshme” propozimet që
presidenti serb Boris Tadic i bëri Tiranës zyrtare për të ndarë kufijtë
në Ballkan.

“Unë nuk i di arsyet përse Tadic ka
bërë një deklaratë të tillë, për marketing para elektoratit apo për
ndonjë cështje tjetër. Por sido që të jetë, këto deklarata rreth kufijve
mund të interpretohen si një provokim dhe si një ftesë për luftë të re
ballkanike”, ka deklaruar Petritsch.

Ai është shprehur se deklarata të tilla janë të rrezikshme, joserioze dhe nuk i kontribuojnë stabilitetit të rajonit.

Më tej Petritsch ka përshëndetur nisjen e bisedimeve mes Kosovës dhe
Serbisë, duke i vlerësuar si një proces që do të ndikojë pozitivisht për
paqen mes dy vendeve.