Vogëlushja inteligjente

Është vetëm 2 vjeçe, por di të përmend emrat e 35 kryeqyteteve të botës, të rrokëzoj emrin e saj dhe të njoh alfabetin. Bëhet fjalë për vogëlushen Britanike Eliz Tan Roberts, që ka tregues inteligjence 156, fakt që i lejoi të bëhej anëtarja më e re e Mensa – e organizatës ndërkombëtare, e cila ka si kriter regjistrimi suksesshmërinë në testet I.Q. Eliz e cila jeton në pjesën veriore të Londrës, mund të lexoj fjalët mama dhe baba, dhe të dalloj tre llojet e trekëndshave. “Është me të vërtetë një fëmijë i veçantë”, komentoi drejtori i Mensa. Pedopsikologia Xhoan Friman përdori një test të veçantë për matjen e inteligjencës së vogëlushes Eliz dhe zbuloi se bën pjesë midis 0.2% të fëmijëve më të zgjuar të moshës së saj, në Britani. Mamaja e Eliz-ës, zbuloi në gazetën Daily Mirror se si u zhvillua truri i vajzës së saj. Vogëlushja shqiptoi fjalën e parë kur ishte vetëm 5 muajshe, dhe eci 8.5 muajshe. “Thotë gjëra që vetëm një zot e di se nga vijnë. Thjesht, çmendet që të mësoj… Nuk ndalon”, thotë mamaja e vogëlushes.