Kroacia mbështet Kosovën në procesin e integrimeve europiane

14 prill 2011
Ministri Rexhepi ia shpalosi ambasadorit kroat prioritetet e Ministrisë së Punëve të Brendshme, të cilat dalin nga programi qeveritar dhe agjenda evropiane, me theks të veçantë në forcimin e rendit dhe ligjit në vend dhe liberalizimin e vizave me BE-në. Ambasadori Vodopija shprehu gatishmërinë e Qeverisë së Kroacisë në përkrahjen e mëtejme të Qeverisë së Republikës së Kosovës në procesin e integrimit evropian dhe liberalizimin e vizave.