Ryshfet për kartë identiteti, arrestohet polici në Tiranë

Tirane – Lajmifundit - Një punonjës policie është arrestuar sot në Tiranë nga Shërbimi i Kontrollit të Brendshëm, SHKB, me akuzën e korrupsionit pasiv të personave që ushtrojnë funksione publike dhe Shpërdorimit të detyrës
Specialistët e Drejtorisë së Shërbimit të Kontrollit të Brendëshëm në Tiranë, u krye arrestimi në flagrancë i punonjësit të policisë Fatmir Sali Allmeta, 47 vjeç, me banim në Tiranë, me detyrë Oficer i Patrullës së Përgjithshme pranë Komisariatit të Policisë Nr.1 Tiranë.
Burimet zyrtare thanë se ky punonjës u arrestua pas një hetimi disa mujor me aplikimin e metodave speciale të hetimit, dhe pasi u kap në flagrancë me një shumë prej 10 000 lekësh të rinj, me synim për të përfituar këtë shumë parash, në këmbim të nxjerrjes në kohë të shpejtë dhe dhënies së kartës së identitetit.
Materilet hetimore të përpiluara në ngarkim të tij, i kaluan Prokurorisë së Rrethit Gjyqësor Tiranë, për konsumim të veprës penale të “Korrupsionit pasiv të personave që ushtrojnë funksione publike” dhe “Shpërdorimit të detyrës”, parashikuar nga neni 259 dhe 248 të Kodit Penal.