Sarandë, Berisha prezanton kandidatin: Të ruajmë perlën e Shqipërisë

SARANDE – Lajmifundit - Kryeministri Berisha është ndalur sot në qytetin e Sarandës ku ka prezantuar kandidatin e koalicionit “Aleanca për qytetarin” Edmond Gjoka që garon në zgjedhjet e 8 majit për drejtimin e bashkisë së këtij qyteti.
“Votat për Edmond Gjokën do të shënojnë një sukses të vërtetë për Sarandën, perlën e bukurive botërore”, ka thënë Berisha gjatë prezantimit të kandidatit demokrat. Ai ka thënë se në katër vitet që do të vijnë Saranda do të ketë infrastrukturën më moderne.
Berisha premtoi investime të reja për qarkun dhe më shumë punë për zhvillimin e turizmit në Sarandë.
"Do të asfaltojmë çdo kilometër rrugë në shërbim të qytetarëve. Edmond Gjoka do ta shndërrojë votën në sukses për të gjithë sarandiotët", ka pohuar Berisha.