Japonia sërish dridhet

Fri 6 May 2011 - 9:34

Tokio, 5 maj – Një tërmet i ri me fuqi 6.1 shkallë të Rihterit ka goditur sot në mëngjes Japoninë, njoftoi Shërbimi gjeologjik amerikan.

Epiqendra e kësaj dridhje ishte afër bregdetit lindor të Japonisë dhe tash për tash nuk ka raporte për viktima apo dëme materiale, transmeton agjencia Reuters.

Japonia ende po shërohet nga tërmeti shkatërrues i 11 marsit të këtij viti, i cili kishte fuqinë 9 shkallë të Rihterit dhe shkaktoi cunami vdekjeprurës, që mori jetën e rreth 26 mijë personave.

Brenda kësaj periudhe Japonia është goditur edhe nga qindra tërmete me fuqi më të dobët nga ai shkatërruesi i 11 marsit.