Zhvlerësohet monedha vendase, euro pranë rekordit 143 lekë

TIRANE – Lajmifundit - Monedha evropiane, euro, brenda pak ditësh ka arritur rekorde te reja, ne kembimin me lekun, duke iu afruar kufirit prej 143 lekesh. Ky është niveli më i lartë i këmbimit në të cilin euro ka arritur në raport me lekun gjatë viteve të fundit.
Tendenca e kursit te këmbimit euro/leke mbetet e pa stabilizuar, ndërsa agjentet valutore sugjerojnë ndërhyrjen e Bankës se Shqipërisë për te hedhur valute ne treg, ne mënyrë qe te normalizoje situatën.
Sipas ekspertëve të ekonomisë, faktori kryesor i kësaj situate është zhvlerësimi i dollarit amerikan kundrejt euros. Specialistët e tregut në shqipëri megjithatë nuk përjashtojnë mundësinë e ndonjë gabimi ne raport me borxhin publik. Zhvlerësimi i lekut ne raport me euron ka vetëm një efekt pozitiv, atë te stimulit te eksporteve vendase.
Sipas eksperteve, tendencat afatshkurtra janë qe leku te vijoje te zhvlerësohet, ndërsa euro te kape te tjera nivele, duke i dhënë ne këtë mënyrë një goditje te forte buxheteve familjare, por edhe ekonomisë.