Sarandë, qëllohet 4 herë me thikë pushuesi më plazh, terrorizohet familja

SARANDE – Lajmifundit – Një shtetas i moshës 43 vjeç është sulmuar me thikë në Sarandë ku ndodhej duke pushuar prej disa ditësh me familjen e tij.
Ngjarja ka ndodhur në plazhin e Sarandës, ku siç njoftohet nga policia, shtetasi Shpëtim Mece nga Gjirokastra, është sulmuar nga një grup të rinjsh.
Njëri prej autorëve njoftohet se e ka qëlluar katër herë me thikë 43-vjeçarin që është dërguar në spitalin rajonal të Sarandës në gjendje të rëndë shëndetësore.
E gjithë ngjarja ka ndodhur në prani të familjes së të plagosurit që ndodhej gjithashtu në plazh me 43-vjeçarin.