Plazhi te Shkëmbi i Kavajës, vdes në det pushuesi nga Kosova

DURRES – Lajmifundit – Një pushues nga Kosova është mbytur sot në det rreth orës 12:00 në plazhin e Shkëmbit të Kavajës.
Policia tha se ngjarja ka ndodhur në kohën kur shtetasi shqiptar nga Kosova ka hyrë në ujë. Disa persona që ndodheshin aty pranë i kanë shkuar në ndihmë viktimës për ta nxjerrë nga uji por i moshuari nuk ka mundur të mbijetojë.
Policia tha se viktima është i moshës rreth 65-vjeç dhe vdekja e tij ka ndodhur në det jo më larg se 20 metra nga bregu.
Dëshmitarët në vendin e ngjarjes, i thanë policisë së në momentin kur është nxjerrë nga deti i moshuari nxirrte shkumë të bardhë nga goja.
Policia theksoi se shkaku i ngjarjes do te verifikohet me ane te ekspertizes.