Spanja U-12 fiton Europianin, Zvicra me tre titullarë shqiptarë në vend të dytë

Spanja U-21 ka shënuar fitore me rezultat 2:0 në ballafaqim me Zvicrën U-21, në finalen e Kampionatit Evropian për U-21, e cila është mbajtur në Danimarkë. Kombëtarja e Zvicrës U-21 ka qenë e pafat, e cila ka pësua gol në minutën e 41-të të pjesës së parë.
Futbollistët spanjollë shfrytëzuan një pakujdesi të helvetikëve, kur Didac ka gjetur mjaft mirë futbollistin Ander Herrera, i cili në mesin e dy futbollistëve me kokë ka plasuar topin në rrjetë dhe 1:0.
Zviceranët startuan me tre shqiptarë titullarë: Xherdan Shaqiri, Granit Xhaka e Admir Mehmedi. Në pjesën e dytë u aktivizuan edhe dy shqiptarë të tjerë, Amir Abrashi, i cili nga minuta e 54-të ka zëvendësuar Frei si dhe Pajtim Kasami në minutën e 67-të është inkuadruar në vend të talentit më të madh shqiptar, Granit Xhaka.