Mbetet pa 500 milionë dollarë

Thu 30 Jun 2011 - 14:49

Steven Spielberg pas divorcit, ish-gruas ia kishte dhënë 100 milionë
dollarë, por këto janë asgjë në krahasim me shumën të cilën Mel Gibson
do t’ia japë ish-gruas së tij – 500 milionë dollarë. Aktori i Hollivudit
dhe bashkëshortja e tij Robin Gibson, kanë arritur marrëveshje për
divorc pas dy vjet e gjysmë mosmarrëveshjeje.

Dhe kjo marrëveshje përfshin edhe akordimin për pasurinë që
posedonin. Detajet e kësaj marrëveshjeje nuk janë bërë të ditura, por
vlerësohet se Gibson peshon rreth një miliardë dollarë.

Shumicën e këtyre parave ai i ka fituar gjatë kohës sa ishte në
martesë me Robinin, kështu që ajo me siguri se do ta fitojë gjysmën e
kësaj pasurie. Pritet që gjykata e Los Anxhelosit ta finalizojë divorcin
në gusht.