Itali, shqiptarja humb jetën në lumë, kërkonte fëmijën e mbytur

Një grua kosovare humbi jetën, duke u munduar ta shpëtojë fëmijën e saj që kishte rënë në lumin Oglio në provincën e Bergamos, ku dy familje kosovare kishin shkuar për ta kaluar një pasdite çlodhëse.
Vogëlushi 12-vjeçar, Ermal Zeneli kishte rënë në ujë dhe nëna e tij, Merheme, pa marrë parasysh rrezikun dhe, megjithëse nuk dinte të notonte, ishte vërsulur drejt fëmijës së saj, që po rrëmbehej nga uji. Ishin pa rezultat përpjekjet për t’i shpëtuar.
Familja Zeneli, prindërit dhe tre fëmijët, ishin bashkuar prej pak kohësh në Itali, pasi kryefamiljari kishte jetuar për disa vjet vetëm në Bergamo, ku punon si murator. Po planet e thurura për të ardhmen u shkërmoqën, të fshira nga rrjedha e ujit.
Çdo vit në Itali vdesin 400 persona nga mbytja. Verën e kaluar, pikërisht në këtë pjesë të lumit Oglio janë regjistruar disa viktima, kryesisht të huaj.

Më preku ky lajm i trishtuar