Kufiri Kosovë-Shqipëri do të kalohet vetëm me një kontroll

Në pikën kufitare të Vermicës e cila lidh Kosovën me Shqipërinë, filloi të enjten zyrtarish zbatimi i marrëveshjes ndërmjet dy shteteve : “një ndalim një kontroll”.
Autoritetet kufitare i thanë Radio Kosovës se gjatë kësaj jave do të jetë faza testuese e kontrolleve, ndërsa në javën e ardhshme marrëveshja mund të zbatohet në tërësi.
Autoritetet kufitare thonë se gjatë kësaj jave do të jetë faza testuese e kontrolleve, ndërsa në javën e ardhshme marrëveshja mund të zbatohet në tërësi.
Efekti i zbatimit të marrëveshjes u pa edhe mbrëmë në kronikat televizive nga kufiri. Policia e Kosovës do të ketë gjatë 24 orëve dy përfaqësues të saj në Morinë, ndërkohë që edhe Policia e Shqipërisë do të ketë të njëjtin numër policësh në Vërmicë.
Marrëveshja do të jetë e përhershme dhe vënia në zbatim e saj lehtëson kalimin e mjeteve dhe të pasagjerëve në këtë sektor kufiri, në të cilin ditët e fundit janë vërejtur radhë të gjata disa kilometra e që përkojnë me sezonin turistik.