Gazetarët kërkojnë të ndihmohet familja e heroit Enver Zymberi

Tue 9 Aug 2011 - 16:37

Gazetarët e Kosovës e kanë lansuar të martën fushatën 10 ditëshe në mbështetje të familjes së heroit më të ri të vendit, Enver Zymberi. Gjatë këtyre 10 ditëve qytetarët do të kenë mundësi që nëpërmjet xhirollogarive bankare të ndihmojnë familjen e policit të rënë para disa ditësh në veri të Kosovës.Iniciator i këtij aktiviteti humanitar me moton “Ndihmo ardhmërinë e familjes së Heroit” është Asociacioni i Gazetarëve Profesionist të Kosovës (AGPK). Për këtë qëllim edhe janë hapur dy xhirollogari bankare në emër të djalit të policit të ndjerë.