Prodhuesit e bukës: Gati ta ulim çmimin, nëse qeveria na heq TVSH-në

Wed 21 Sep 2011 - 15:12

Prodhuesit e bukës kanë deklaruar se do të ulin çmimin e bukës dhe do të rrisin cilësinë e saj nëse qeveria do të heqë TVSH-ja për bukën.Në një deklaratë për mediat, shoqata e prodhuesve të bukës ka përshëndetur nismën ligjore të PS në Kuvend për heqjen e TVSH-së bukës dhe deklaron që miratim i këtij pr/ligji nuk duhet të vonojë më.Sipas kësaj deklarate, shteti shqiptar nuk ka pse të fitojë më nga shitja dhe prodhimi i bukës për shumë arsye. Së pari, sepse shteti nuk ndoqi të njëjtin standard ndaj prodhuesve dhe lejoi konkurrencën e pandershme në treg. “Një shtet që deklaron primare luftën ndaj varfërisë nuk ka pse të mbledhë përmes TVSH qindarkat e pensionistëve dhe njerëzve që jetojnë me asistencë-thuhet në deklaratën për mediat të shoqatës së prodhuesve të bukës”, thotë shoqata e prodhuesve të bukës.